Ika- 14 at 15 gold medal, nasipa ni PH karateka James De los Santos sa 2 online tilt

‘God is great! 14^th and 15^th golds in one day,” ito pahayag ni Pinoy karateka James De los Santos sa kanyang social media account.

Ito’y matapos na masipa niya ika-14 gold medal niya sa sinalihang torneo. Kabilang na rito ang 1^st Euro Grand Prix eTournament. Gayundin ang E-Karate Game 2020 #2.

Tinalo ni De los Santos si Silvio Cerone- Biagoni ng South Africa sa final round, 24.6-24.3 gamit ang Unsu sa Euro Grand Prix.

Bago nito, dinaig niya muna si Kevin Petry ng Luxembourg, 24-22.6 sa quarterfinals. Gayundin si Matias Moreno Domont ng Switzerland, 24.4-23.6 sa semifinals.

Pagdating naman sa E-Karate 2020, nakasipa muli ng gold ang 2-time ISKF World Champion. Tinalo nito si Alves Murillo sa Shotokan style, 24.3-23.

Bukod kay James, nakamig din gold medal ang kanyang teammates na sina Julia Ian Marcos at Fatima A-Isha Hamsain.

Nasungkit ni Marcos ang second straight gold matapos dominahin ang Euro Grand Prix female U-21. Dinaig nito si Keira Sanft ng Australia sa finals.

Nakuha naman ni Hamsain ang gold medal sa female U-16 sa e-Karate Games 2^nd edition. Tinalo nito  si Giselle Janse Van Rensburg ng Denmark.