Presidential candidate Ferdinand "Bongbong" Marcos Jr. celebrates as he greets the crowd outside his headquarters in Mandaluyong, Philippines on Wednesday, May 11, 2022. Marcos' apparent landslide victory in the Philippine presidential election is raising immediate concerns about a further erosion of democracy in Asia and could complicate American efforts to blunt growing Chinese influence and power in the Pacific. (AP Photo/Aaron Favila)
Mariing binatikos ng Malacañang nitong Lunes ang mga alegasyong inihain sa harap ng International Criminal Court (ICC) na diumano’y nagnanais si Pangulong Ferdinand R. Marcos Jr. na “i-neutralize” o buwagin ang legasiya ni dating Pangulong Rodrigo Duterte.
Ang nasabing paratang ay nagmula kay Atty. Nicholas Kaufman, ang legal counsel ni Duterte, sa kanyang opening statement sa confirmation of charges hearing ng ICC kung saan nahaharap ang dating pangulo sa mga kasong crimes against humanity kaugnay ng kanyang madugong kampanya laban sa ilegal na droga.
Sa isang matapang na pahayag, tinawag ni Palace Press Officer Claire Castro na “preposterous” o kakatwa ang akusasyon ni Kaufman at binigyang-diin na tila nagkakamali ang abogado sa timeline ng mga pangyayari.
Ayon kay Castro, lumalabas na ang kampo ni Duterte ang may problema sa pag-alala sa katotohanan dahil ang mga kaso sa ICC ay isinampa noon pang 2017—panahong isang pribadong mamamayan pa lamang si Pangulong Marcos Jr. at wala pang kinalaman sa takbo ng pamahalaan o sa mga usaping legal ng dating pangulo.
Bilang isang abogado rin, pinuna ni Castro ang depensa ni Kaufman dahil sa kabiguan nitong sagutin nang direkta ang mga akusasyon ng extrajudicial killings na naganap umano noong alkalde pa lamang si Duterte sa Davao.
Binanggit pa ni Castro ang naging pag-amin ni Atty. Silvestre Bello III, isa rin sa mga abogado ni Duterte, na may napatay ang dating pangulo sa pamamagitan ng paghuhulog sa helicopter.
Pinayuhan ng opisyal ng Palasyo ang depensa na mag-pokus sa mga katotohanan ng kaso sa halip na gumamit ng mga politikal na retorika para lamang makaiwas sa isyu.
Sa gitna ng pagdinig, pormal na inakusahan ni ICC Deputy Prosecutor Mame Mandiaye Niang ang 80-anyos na si Duterte bilang “indirect co-perpetrator” sa malawakan at sistematikong pagpatay mula Nobyembre 2011 hanggang Marso 2019.
Bagama’t nananatiling matatag ang kampo ni Duterte sa pagtatanggol sa kanyang legasiya, iginiit ng Malacañang na ang hustisya at ang timeline ng ICC ay hindi dapat baluktutin para sa interes ng politika.
About the Author
