Inihayag ng Department of Justice (DOJ) nitong Martes, Disyembre 9, na maghahain ito ng dalawang kaso ng kidnapping laban sa gaming tycoon na si Charlie “Atong” Ang at 24 iba pa kaugnay ng kaso ng mga nawawalang sabungero.
Ayon sa DOJ, may prima facie evidence na may sapat na katibayan para maiharap sa korte ang mga sumusunod sa 10 counts ng kidnapping with homicide:
1. Charlie “Atong” Ang
2. Lt. Col. Ryan Jay Orapa
3. Rogelio Teodoso Borican Jr.
4. Rodelo Anig-ig
5. Jezrel Mahilum
6. Mark Carlo Zabala
7. Ronquillo Anding
8. PSMS Joey Natanauan Encarnacion
9. Police Executive Master Sergeant Aaron Ezrah Lagahit Cabillan
10. PMSg Michael Jaictin Claveria
11. PSMS Mark Anthony Aguilo Manrique
12. PSMS Anderson Orozco Abary
13. PSSG Edmon Hernandez Muñoz
14. PSSG Alfredo Uy Andres
15. Police Major Philip Almedilla
16. Police Lieutenant Henry Sasaluya
17. Police Chief Master Sergeant Arturo Dela Cruz
18. PSMS Farvy Opalla Dela Cruz
19. PSSG Alfredo Uy Andes
20. Police Corporal Angel Joseph Martin
21. Emman Cayunda Falle
22. Julious Tagalog Gumulon
23. PMSg Renan Lagrosa
Dagdag pa rito, inutusan din ng DOJ ang paghahain ng isa pang kaso para sa 16 counts ng kidnapping with serious illegal detention laban kina:
1. Ang
2. Orapa
3. Claveria
4. Anig-ig
5. Borican
6. Andres
7. Almedilla
8. Encarnacion
9. Cabillan
10. John Does (mga hindi pa nakikilalang pulis na bahagi ng grupo ni Orapa)
Ayon kay DOJ Spokesperson Prosecutor Raphael Niccolo Martinez, ihahain ang mga kaso sa tatlong Regional Trial Courts (RTC) sa Lipa City, Batangas at sa Santa Cruz at San Pablo, Laguna.
Hindi kabilang sa mga na-indict ang aktres na si Gretchen Barreto, na naunang na-link sa iskandalo. “As to the other respondents, the case/s were dismissed without prejudice to the re-filing of any complaint with the Department of Justice should future evidence arise linking them directly to the acts of unlawful detention,” paliwanag ng DOJ.
Si Ang, na may-ari ng Lucky 8 Star Quest, ay unang na-implicate sa missing sabungeros case noong 2022. Dumalo siya sa Senado upang ipagtanggol ang sarili at itinanggi ang alegasyon na kaya niyang alisin ang isang sabungero na nandaya sa halagang P5,000 lamang.
Noong 2025, muling na-target si Ang matapos siyang i-tag ni dating empleyado at whistleblower na si Julie “Dondon” Patidongan bilang mastermind sa pagkawala ng mga sabungero. Ayon sa datos ng gobyerno, may 34 sabungero ang naitala na nawawala mula Abril 2021 hanggang Enero 2022, ngunit sinabi ni Patidongan na posibleng umabot ito ng higit sa isang daan.
Dahil kidnapping ay itinuturing na non-bailable na krimen, posibleng ikulong sina Ang at iba pang akusado kapag naibigay na ng korte ang warrant of arrest.
Noong 2022, may naunang kaso na rin laban kay Patidongan at iba pang sangkot sa kidnapping. Bagamat naaresto, nakalaya muna sila matapos payagan ng Manila RTC Branch 40 na makapag-bail. Pinal na ng Court of Appeals noong Enero 2025 na pawalang-bisa ang RTC ruling, kaya dapat silang i-rearrest.
Sa kasalukuyan, nananatiling pansamantalang malaya si Patidongan habang naghihintay ng desisyon ng Supreme Court sa kanilang apela. Posibleng gamitin ni Ang ang parehong hakbang upang kuwestyunin ang kanyang pagkakaaresto.
About the Author
