Kumislap ang mga bituin sa ginanap na 73rd FAMAS Awards nitong Biyernes, Agosto 22, matapos mag-uwi ng pinakamalalaking tropeo sina Vice Ganda, Rep. Arjo Atayde at Marian Rivera.
Emosyonal si Vice Ganda matapos tanggapin ang Best Actor award para sa pelikulang “And The Breadwinner Is …” — ang una niyang obra na nominado bilang Best Picture sa prestihiyosong FAMAS.
“Nakakaloka! Proud na proud ako na nominated ako, tapos nanalo pa,” ani Vice, suot ang itim na gown at blonde wig. “Thank you, FAMAS, for making me the first blonde, fully made up, in a gown to receive Best Actor. Sana magbigay-inspirasyon ito sa mga queer kids na yakapin ang endless possibilities ng mundo.”
Samantala, nakatabla rin sa Best Actor si Arjo Atayde dahil sa matindi niyang pagganap bilang ex-sundalo na may PTSD sa action film na “Topakk.”
Hindi rin nagpahuli si Marian Rivera na itinanghal na Best Actress para sa kanyang papel bilang gurong si Teacher Emmy sa kritikal na hinangaan na pelikulang “Balota.”
Indie docu film, wagi sa Best Picture
Tinanghal na Best Picture ang independent documentary film na “Alipato at Muog” tungkol sa kaso ng desaparecido activist na si Jonas Burgos. Pinasok din nito ang Best Director para kay JL Burgos.
Mga sumungkit ng tropeo
- Best Supporting Actress – Nadine Lustre (Uninvited)
- Best Supporting Actor – Jeric Raval (Mamay)
- Best Screenplay – Green Bones
- Best Cinematography, Production Design, Musical Score – Mamay
- Best Sound – Topakk
- Best Editing – The Hearing
- Best Original Song – Hahamakin ang Lahat (Uninvited) at Hamon (Mamay)
Pinakamalaking panalo ngayong taon ang biopic na “Mamay: A Journey to Greatness – The Marcos Mamay Story” na umani ng limang tropeo.
Special Awards, kumpletos rekados
- Bida sa Takilya Award – Kathryn Bernardo
- Circle of Excellence Award – Vilma Santos
- German Moreno Youth Achievement Award – Andres at Atasha Muhlach
- Child Icons of Philippine Cinema – Judy Ann Santos, Ian Veneracion, Gladys Reyes, Ice Seguerra, Matet De Leon, Niño Muhlach
- Susan Roces Celebrity Award – Lorna Tolentino
- Nora Aunor Superstar Award – Judy Ann Santos
- FPJ Memorial Bida Award – Manny Pacquiao
- FPJ Memorial Kontrabida Award – Dindo Arroyo
- Presidential Award – Mayor Marcos Mamay
- Dr. Jose Perez Memorial Award for Journalism – pep.ph
- FAMAS Loyalty Award – Brian Lu
Isang gabi ng karangalan at pagbibigay pugay sa sining ng pelikulang Pilipino, ang 73rd FAMAS sa Manila Hotel ay nagpatunay na buhay na buhay pa rin ang ningning ng mga bituin sa showbiz.
About the Author
