DAVAO OCCIDENTAL NIYANIG NG MAGNITUDE 6.8 NA LINDOL

NIYANIG ng magnitude 6.8 earthquake ang Southern Mindanao ngayong Biyernes, ayon sa Philippine Institute of Volcanology and Seismology (Phivolcs).

Unang nairehistro ang lindol sa magnitude 7.2 ngunit nirebisa rin ito.

Bandang alas- 4:14 ng hapon nang maganap ang tectonic quake sa lalim na 72 kilometers at 34 km northwest ng Sarangani Island sa Davao Occidental.

Naitala ng Phivolcs ang mga sumusunod na intensity:

• Intensity V – Matanao, Davao del Sur; Jose Abad Santos, Davao Occidental; Maasim, and Malapatan, Sarangani; Banga, Lake Sebu, Polomolok, and Tampakan, South Cotabato

• Intensity IV – Magsaysay, Davao del Sur, Davao City; Don Marcelino, Davao Occidental; City of Kidapawan, Cotabato; Kiamba, SaranganiI; Norala, and Tantangan, South Cotabato; Bagumbayan, Columbio,

Esperanza, Isulan, Kalamansig, Lebak, and President Quirino, Sultan Kudarat

• Intensity III – Zamboanga City; Nabunturan, Davao de Oro; M’lang, Cotabato; Lambayong, Sultan Kudarat

• Intensity II – Molave, Zamboanga del Sur; City of Malaybalay, Bukidnon; Kapatagan, Lanao del Norte; Balingasag, and Initao, Misamis Oriental; Cagayan de Oro City; Carmen, and Pikit, Cotabato

• Intensity I – San Lorenzo, Guimaras; City of Talisay, Cebu; City of Dapitan, Liloy, and Sindangan, Zamboanga del Norte; Talakag, BUKIDNON; Tubod, Lanao del Norte; Alamada, Cotabato; City of Cabadbaran, Agusan del Norte; City of Bislig, Surigao del Sur.

Sa hiwalay na pahayag, sinabi ng Phivolcs na walanang inaasahang tsunami na magaganap matapos ang lindol.

“No destructive tsunami threat exists based on available sea-level data… [T]here is no tsunami threat to the Philippines from this earthquake,” sabi ng Phivolcs.

Sinabi ng Civil Aviation Authority of the Philippines (CAAP) na bahagyang naapektuhan ang ilang paliparan.

Nagkaroon ng bitak ang General Santos Airport, ayon pa sa ahensiya.

Samantala, wala namang naiulat na pinsala ang Davao International Airport, Cotabato Airport, at Mati Airport.

Ipinakalat na rin ng Philippine Red Cross (PRC) ang kanilang staff sa mga apektadong lugar. Tumulong ang PRC General Santos City-Sarangani Province chapter sa mga estudyante ng Holy Trinity Junior High and Golden State College at iba pang komunidad matapos ang lindol.