Opisyal nang binuksan ang World Esports MOBA Headquarters sa The Peak Central Tower, Parañaque City, isang makasaysayang hakbang na lalo pang nagpapatibay sa posisyon ng Pilipinas bilang isa sa pinakamabilis na lumalago at kinikilalang Esports destinations sa Asya.
Pinangunahan ng Esports World Federation (ESWF) at International Federation of Esports MOBA (IFES MOBA) ang inagurasyon noong Nobyembre 10, 2025, bilang pagtatayo ng bagong global command center para sa Esports operations, policy development, at event coordination.
Nanguna sa seremonya sina ESWF at IFES MOBA President at Founder Arniel O. Gutierrez at IFES MOBA at JOE Solutions Chairman Edward J. Aguilar.
Ang bagong gusali ay idinisenyo bilang isang makabagong creative at digital operations hub na may pasilidad para sa tournament broadcasting, digital production, Esports training, licensing programs, at live content streaming gamit ang high-end systems mula sa Joe Solution Software System.
Ayon kay Gutierrez, ang pagbubukas ng headquarters ay simbolo ng mas istrukturado, inklusibo, at transparent na global Esports ecosystem.
“The World Esports MOBA Headquarters in Parañaque is more than an office—it’s the beating heart of a global digital movement. We envision a world-class platform where Filipino talent, technology, and teamwork converge to lead Esports into a new era,” pahayag niya.
Tututok ang IFES MOBA sa mga MOBA titles gaya ng Mobile Legends: Bang Bang (MLBB), League of Legends, at Dota 2, at magtataguyod ng international cooperation at fair play standards sa digital sports.
Ang multi-level headquarters ay may mga sumusunod na pangunahing pasilidad:
- Esports Operations & Studio Center – para sa tournament broadcasting, editing, at production
- Athlete Development & Training Area – para sa skill enhancement at team mentoring
- Technology and Innovation Lab – para sa app development, analytics, at digital licensing
- Global Coordination Room – para sa pamamahala ng network ng IFEM federations sa buong mundo
“This is where Esports meets enterprise,” ayon kay Aguilar. “Dito binubuo ang isang sustainable model kung saan nagtatagpo ang competition, technology, at education para bigyang-lakas ang gamers, developers, at komunidad.”
Ang Esports World Federation (ESWF) ay isang international governing organization na nagtataguyod ng responsible gaming, fair competition, at educational Esports programs sa buong mundo.
Samantala, ang International Federation of Esports MOBA (IFES MOBA) ang global body na nakatuon sa pag-oorganisa, promosyon, at pag-develop ng MOBA Esports genre sa ilalim ng ESWF ecosystem, na tinitiyak ang professional integrity at global alignment ng digital sports.
Sa pagbubukas ng headquarters na ito, muling napatunayan ang lumalakas na papel ng Pilipinas sa pandaigdigang Esports landscape. (Mina Paderna)
About the Author
