PHOENIX SUNS, PINAPAK ANG DENVER NUGGETS, 122-105 SA GAME 1

Ginulat ng Phoenix Suns ang Denver Nuggets sa Game 1 sa Western Conference semifinals. Pinapak ng Suns ang Nuggets sa iskor na 122-105.

Kapwa nagtala ng tig-21 points si Chris Paul at Devin Booker upang pangunahan ang Suns. GUmawa rin si Paul ng 11 assists at 6 boards. Habang si Booker ay nagtala pa ng 4 boards at 8 assists.

Nag-ambag naman si Deandre Ayton ng 20 points at 10 rebounds.

Sa panig naman ng Nuggets, gumawa si Nikola Jokic ng 22 points, 9 boards at 3 assists.

Dahil sa panalo, abanse na ang Phoenix ng 1-0 sa series. Idaraos naman ang Game 2 sa Huwebes (Manila time).