BOSTON CELTICS, PINUNIT ANG BROOKLYN NETS, LAMANG NA SA 2-0 SA SERIES

Pinunit ng Boston Celtics ang Brooklyn Nets sa Game 2 ng NBA playoffs East Round 1, 114-107.
Nanguna sa opensa ng Celtics si Jaylen Brown sa pagbira ng 22 points. Kasama na rito ang 6 assists, 4 boards at 3 steals. Nag-ambag naman si Jayson Tatum ng 19 points, 10 assists at 6 boards.

Sa panig naman ng Nets, kumamada si Kevin Durant ng 27 points, 5 assists at 4 boards. Habang si Kyrie Irving naman ay bumuslo ng 10 points at 8 boards.

Sa umpisa ng laro ay umalagwa agad ang Nets sa pagbira ng 9-0 run. Ngunit, nakalapit ng Boston. Muling rumatsada ang Brooklyn at iniwan ang Celtics.

Inalagaan ng Nets ang double-digit lead. Subalit, nakahabol ang Boston sa 4th quarter. Pagsapit ng kalagitnaan ng quarter, lumamang na Celtics ng double-digit. Pinilit na humabol ng Nets, pero, nabigo sila. Lamang na sa 2-0 lead sa best-of-7 series ang Celtics.