Pandacan wagi sa Miss Manila 2026 -

PITAK FILIPINO
Ni Socrates L. Pimentel

NAIUWI ni Beatrice Santos ng Pandacan ang titulo at korona ng Miss Manila 2026 na ginanap sa Tanghalang Metropolitan (MET, itinatag 1933) noong 26 Hunyo 2026 Biyernes ng gabi. Ang patimpalak ay isinagawa kaugnay sa pagdiriwang ng ika-455 pagkakatatag ng Lungsod Maynila na pinangunahan nina Mayor Francisco ‘Isko’ M. Domagoso at Vice Mayor Angela Lei ‘Chi’ Ilagan Atienza-Valdepeñas.

Itinanghal na Miss Manila Tourism si Zoe Cameron ng Dagupan Ext., at Miss Manila Charity Mikki Angela Barcela ng Santa Cruz. First Runner-up si Juvyel Anne Saluta ng Intramuros, at Second Runner-up si Yna Ysabel Garado ng Singalong.

Top 10 Semifinalists sina Monique Angelika Santo ng Balic-Balic, Nicholae Reyes ng Morayta, Lee Ha Null Bello ng Pablo Ocampo, Shaina Rose Ico ng Recto, at Danica Mojica ng Santa Ana.

Ang iba pang kandidata na lumahok ay sina Czarina Buenaflor, Algeciras; Hamiyah Lazaro Ravina, Baseco; Monira Mahmoud, Central; Gia Ordoñez, Dapitan; Chariah Janessa Barangay, España; Janella Reyn Manuel, Gagalangin; Imogene Belles, Loreto; Jamela Francois Kriziel Sarmiento, Pagasa Ext.; Lisa Marie Jane Craven, Sta. Mesa; Goldy Baroa, Tayuman; Louise Rheana Gaña, Tondo.

Ipinagkaloob ang Special Awards sa sumusunod: Miss Congeniality Gia Ordoñez ng Dapitan, Miss Photogenic at Best in Evening Gown Beatrice Santos ng Pandacan, Best in Tourism Video Monique Angelika Santo ng Balic-Balic, Miss Gilbi Yna Ysabel Garado ng Singalong, at Best in Swimsuit Juvyel Anne Saluta ng Intramuros.

Napiling hurado sina Bea Millan-Windorski, Miss Universe Philippines 2026 at Felipe Marasigan, Mister Pilipinas Supranational 2026.

Hosts sina Miss Universe 2025 Third Runner-up Ahtisa Manalo, Mikee Quintos, at Marco Gumabao. Ang nagwaging Miss Manila 2026 ay magiging kinatawan ng lungsod para sa Miss Universe Philippines 2027.