NBA Rumor and Updates: Timberwolves, target na makuha sa Orlando si Aaron Gordon

NBA Rumor and Updates

Kulang-kulang 2 linggo na lang bago ang 2020 NBA Draft, may nilulutong trade ang Minnestota Timberwolves at Orlando Magic.

Ayon sa ulat, target ng Wolves na makuha si Aaron Gordon. Ang high-flying na si Gordon ang ikakamada sa bubuuing ‘Big Three’.

Makakasama ni Gordon kung sakali sina Karl-Anthony Towns at D ‘Angelo Russell.

Ang rumor sa trade talks ay inihayag ng insider na si Darren Wolfson sa kanyang podcast via FanSided.

Aniya, marami ang interesado kay Gordon. Malamang na i-trade ng Wolves ang No.1 pick upang mahablot si Gordon.

“The Wolves had trade interest in Aaron Gordon of Orlando back in February. My sense is that has not changed,” ani Wolfson.

Bukod kay Gordon, interesado rin ang Minnesota kay New Orleans Pelicans guard Jrue Holiday.