Lakers, pinapak ang Nuggets sa Game 1 ng Western Conference finals, 126-114

Pinapak ng Los Angeles Lakers ang Denver Nuggets, 126-114, sa Game 1 ng Western Conference finals. Ito rin ang senaryong nanalo ang Lakers sa Game 1 sapol noong playoffs.

Nanguna sa impressive win ng Lakers si Anthony Davis na nagtala ng 37 points, 10 boards at 4 assists.

Nag-ambag naman si LeBron James ng 15 points, 6 boards at 12 assists.Nagdagdag naman si Kentavious-Caldwell Pope ng 18 points.

“No lead is safe with this team. End of game or end of series they’ve proven they’re a second-half team,” ani Davis.

“They come out and basically destroy teams in the second half and proved that if they’re down in a series they’re going to fight.”

Lamang ang Nuggets sa first quarter ng 2 points. Pero, kumawala ang Lakers sa second quarter upang baunin ang 11 point lead, 70-59 sa half time.

Mula rito, iniwanan na nila ang Denver at lumamang pa ng 22 points.Sa panig naman ng Nuggets, gumawa si Nikola Jokic ng 21 points, 6 boards at 2 assists.

Nag-ambag naman si Jamal Murray ng 21 points at 5 rebounds. Katorse puntos at 10 boards naman ang inambag ni Michael Porter Jr.