GOLDEN STATE WARRIORS, KINATAY ANG GRIZZLIES SA GAME 4

Kinatay ng Golden State Warriors ang Memphis Grizzlies, 101-98 sa Game 4 ng West semifinals. Kaya naman, tangan na ng ‘Dub City’ ang 3-1 lead sa series.

Binuhat ni Steph Curry ang Warriors sa pagtipa ng 32 points. Kasama na rito ang 8 assists at 5 rebounds. Nag-ambag naman si Andrew Wiggins ng 17 points, 10 boards at 2 blocks.

Bumira naman si Klay Thompson ng 14 points, 7 boards at 2 blocks. Sa panig naman ng Memphis, nanguna si Jaren Jackson sa pagtala ng 21 points. Gayundin ng 5 blocks at 5 rebounds.
Di naman nakapaglaro ang star player na si Ja Morant dahil sa tama sa tuhod.