Muling nagpamalas ng tatag ang Creamline Cool Smashers matapos bumangon mula sa pagkatalo sa unang set upang payukuin ang ZUS Coffee Thunderbelles, 22-25, 25-17, 25-16, 25-18, sa 2026 PVL All-Filipino Conference nitong Martes sa Playtime Filoil Centre.
Bagama’t nabulabog ng huling ratsada ng Thunderbelles sa opening frame, agad na nakabawi ang mga beterana ng Creamline.
Ganap nilang hawakan ang momentum sa mga sumunod na set, kung saan tinapos nila ang laban sa pamamagitan ng isang matinding 14-4 run sa ika-apat na set upang selyuhan ang panalo.
Bumida para sa Cool Smashers ang pambansang setter na si Jia De Guzman na nagtala ng pambihirang double-double performance. Nagsumite si De Guzman ng 25 excellent sets kasama ang sorpresang 10 puntos upang ihatid ang Creamline sa kanilang ikalawang sunod na tagumpay sa torneo.
Dahil sa panalo, nananatiling malinis ang kartada ng defending champions habang patuloy nilang hinahanap ang tamang timpla para sa kanilang hangaring makuha muli ang korona sa prestihiyosong liga. (RON TOLENTINO)
About the Author
