Photos courtesy of Beck Madeja Velásquez
Nagpahayag ng buong suporta si Supreme Court Associate Justice Raul B. Villanueva sa bagong pamunuan ng Publishers Association of the Philippines, Inc. (PAPI) sa pangunguna ni President Rebecca Madeja-Velásquez at Chairman/Director for Media Affairs Nelson S. Santos.
Ayon kay Justice Villanueva, mahalaga ang papel ng PAPI sa pagpapatatag ng malayang pamamahayag at pagtataguyod ng tamang etika sa media, lalo na sa kasalukuyang panahon kung saan kritikal ang papel ng midya sa demokrasya.
“Buong tiwala ako sa liderato nina President Velásquez at Chairman Santos. Nakita ko ang kanilang dedikasyon sa press freedom, media ethics at sa pagtataguyod ng responsible journalism,” ani Villanueva. “Naniniwala akong sa ilalim ng kanilang pamumuno, mas mapapalakas pa ang tiwala ng publiko sa media institutions.”
Si Rebecca Madeja-Velásquez ay kilala sa kanyang masigasig na pagsuporta sa community journalism, habang si Nelson S. Santos naman ay beteranong mamamahayag at media advocate na patuloy na nagpapalawak ng impluwensya ng PAPI sa buong bansa.
Ang pahayag ng suporta mula sa isang kasalukuyang miyembro ng Korte Suprema ay itinuturing na mahalagang pag-endorso sa bagong direksyon ng PAPI. Ipinapakita rin nito ang pagtutulungan at respeto sa pagitan ng hudikatura at ng media bilang haligi ng demokrasya.
Habang pinapasok ng PAPI ang panibagong yugto ng kanilang kasaysayan, ang suporta ni Justice Villanueva ay nagsisilbing inspirasyon sa mga miyembro at stakeholders upang magsanib-puwersa para sa isang layunin—ang patuloy na pagsusulong ng integridad at kahusayan sa pamamahayag.
About the Author
