Naghatid ng malinis at maaasahang solar energy ang One Meralco Foundation (OMF), sa pakikipagtulungan ng B&M Global Services Manila (GSM), para sa Libis Elementary School sa Lungsod ng Antipolo. Sa pamamagitan ng School Electrification Program ng OMF, higit 200 mag-aaral at guro—na ang karamihan ay kabilang sa katutubong tribo ng Dumagat Remontado—ang mayroon nang kuryente para sa modern at interactive learning sa kanilang off-grid classroom.
Ang bagong kabit na solar photovoltaic (PV) system ay magbibigay ng kuryente sa mga pasilidad ng paaralan, pati na rin sa mga computer at multimedia equipment. Dahil sa inisyatibong ito na nagtulay sa kulang na pasilidad ng enerhiya sa malayong komunidad, nabuksan ang pintuan para sa mga digital tool at interactive educational resources na dating mahirap maabot.
Ang magkasamang pagsisikap na ito ay nagpapakita kung paano ang pagtutulungan ay nag-iiwan ng matagalang epekto sa mga malalayong silid-aralan. Bukod sa pagbibigay ng solar power, nag-abot din si B&M GSM Executive Director Lorie Barredo kasama ang mga employee-volunteers ng Balik Eskwela school kits na naglalaman ng mga learning material para sa mga mag-aaral.
“This initiative reminds us that development begins with access, and access creates hope. By bringing clean and renewable energy to the school, the Foundation and GSM hope to support a learning environment where children can grow with confidence, curiosity, and courage. We also hope this project encourages the wider community to believe that meaningful change can reach even the most remote places,” pahayag ni Barredo.
Nakiisa rin ang mga empleyado ng Meralco sa pamamagitan ng Meralco Employees Fund for Charity, Inc. (MEFCI) sa pamamagitan ng pag-donate ng multimedia tools kabilang ang television set, printer, laptop, at speaker upang ma-maximize ang solar energy para sa interactive learning.
Ayon kay School Principal Jinky Martinez, hindi lang liwanag ang hatid ng proyekto sa kanilang mga silid-aralan kundi dagdag na lakas din para sa mga mag-aaral.
“With this solar panel, we can now ensure continuous learning even during rainy days, and we can teach our learners the value of renewable energy and environmental care. You didn’t just donate solar panels — you donated hope, learning, and a brighter tomorrow. Thank you for investing in the future of our children. Your kindness truly illuminates their path to quality education,” aniya.
Binigyang-diin naman ni OMF President Jeffrey O. Tarayao ang kahalagahan ng mga ganitong kolaborasyon upang matiyak na walang komunidad ang maiiwan, lalo na sa panahon ng teknolohiya.
“When organizations align their resources and purpose, we do more than just build or improve infrastructure—we create opportunities and light up futures. OMF’s partnership with B&M Global Services Manila demonstrates how shared commitment can break down barriers, giving our young learners the tools they need to dream bigger and reach their full potential,” saad ni Tarayao.
Naging matagumpay ang ceremonial turnover sa suporta nina Libis Elementary School Principal Jinky Martinez; Antipolo City Councilor James Gatlabayan (na kinatawan si Mayor Casimiro “Jun” Ynares III); Dr. Rachel Abejero, Public Schools District Supervisor ng DepEd Antipolo City (na kinatawan si SDS Lerma Flandez); at Dr. Ramil Ginete, Project Development Officer IV (na kinatawan si Regional Director Charlie Rocafort). Dumalo rin sa kaganapan sina Meralco Cainta-Masinag-Antipolo Business Center Head Alvenn Jewison Migrino at Rizal Sector Manager Roberto Dizer.
Simula noong 2011, nakapag-supply na ang OMF ng kuryente sa 309 na off-grid public schools sa buong bansa bilang bahagi ng kanilang komedment na palakasin ang edukasyon, isulong ang digital learning, at magbukas ng mga oportunidad para sa mga mag-aaral sa mga malalayong komunidad.
About the Author
