Pumanaw sa edad na 48 si Sam Rivers, bassist at isa sa mga founding members ng American rap-metal band na Limp Bizkit, ayon sa opisyal na pahayag ng grupo nitong Sabado (Oktubre 18).
Kinumpirma ng banda sa kanilang Instagram post ang pagpanaw ng musikero, ngunit hindi na ibinunyag ang sanhi ng kanyang pagkamatay.
“Today we lost our brother. Our bandmate. Our heartbeat,” ayon sa banda.
“Sam Rivers wasn’t just our bass player – he was our magic. The pulse beneath every song, the calm in the chaos, the soul in the sound. From the first note we ever played together, Sam brought a light and a rhythm that could never be replaced. His talent was effortless, his presence was unforgettable, his heart enormous,”dagdag pa nito.
Kasabay nito, nagpahayag din ng matinding dalamhati si DJ Lethal, isa rin sa mga miyembro ng grupo.
“We are in shock. Rest in power, my brother! You will live on through your music and the lives you helped save with your music, charity work, and friendships,” aniya.
Si Rivers ay naging bahagi ng Limp Bizkit mula pa noong 1994, kasama sina Fred Durst (vocalist), John Otto (drummer), Wes Borland (guitarist) at DJ Lethal.
Nakilala ang grupo sa mga hit songs tulad ng “Rollin’ (Air Raid Vehicle),” “Take a Look Around,” at sa mga album na “Significant Other” at “Chocolate Starfish and the Hot Dog Flavored Water.”
Matatandaang nagkaroon ng hiatus ang banda noong 2006 ngunit nagbalik sila noong 2009. Nagpahinga si Rivers dahil sa matinding karamdaman noong 2015, ngunit muling nakabalik sa entablado noong 2018 at nanatiling aktibo hanggang sa kanyang pagpanaw. “Rest easy, brother. Your music never ends,” pagtatapos ng tribute ng banda.
About the Author
