Bonggang rebelasyon mula kay Mayor Vico Sotto! Dalawang mega flood control contractor na pagmamay-ari ng pamilya Discaya — kabilang ang kanyang political rival na si Sarah Discaya — ay kabilang sa top 15 contractors na nakakuha ng malalaking flood projects ng gobyerno.
Agad na binisto ni Sotto sa kanyang Facebook page ang Alpha & Omega Gen. Contractor & Development Corp. at St. Timothy Construction Corp. na nanguna sa listahan ng gobyerno na may budget na P100 billion para sa flood control mula 2022 hanggang 2025.
“Ngayon, nalalaman na ng publiko ang buong katotohanan,” bungad ni Vico, sabay banggit ng SONA ni Pangulong Marcos, “Mahiya naman kayo!”
Hindi man direktang sinabi ni Pangulong Marcos na corrupt ang mga contractor, ginulat ni Sotto ang mga tao nang sabihin niyang ito ay “disturbing assessment” at “open secret” na sa public sector ang mga anomalya.
Ayon kay Sotto, may anim na stages ang kurapsyon sa flood projects — mula sa sabwatan sa bidding, hanggang substandard na trabaho, malalaking kickbacks, kulang o zero buwis sa BIR at LGUs, hanggang sa pagpasok sa politika para magpanggap na mapagbigay!
Bukod sa Alpha & Omega at St. Timothy, ibinulgar pa ni Sotto ang iba pang kumpanya ng pamilya Discaya:
- St. Gerrard Construction
- Elite General Contractor
- St. Matthew General Contractor
- Great Pacific Builders
- YPR General Contractor
- Amethyst Horizon Builders
- Way Maker OPC
Binalaan din ni Sotto na patuloy nilang iimbestigahan ang mga ito at ipapasa ang mga ebidensiya kay Pangulong Marcos. Plano niyang habulin ang mga utang sa buwis ng mga kumpanyang ito na umabot sa milyon-milyon!
“Kasama ang Pasig government, ipapasa namin ang lahat ng red flags at hindi titigil hanggang makolekta ang utang sa buwis,” sabi pa ni Mayor Vico.
Tinawag din niya ang mga taga-Pasig na maging mapagmatyag at tumulong labanan ang kurapsyon kahit delikado!
Tara, abangan pa ang mga eksklusibong update sa flood control drama ng taon!
About the Author
