Sherwin Tiu idedepensa ang titulo sa Pozzorubio Rapid Chess tilt

IDEDEPENSA ni Sherwin Tiu ang kanyang titulo sa pagsulong ng  Pozorrubio Town Fiesta Rapid Chess Tournament ngayon( Sabado) Enero 11 sa 3rd floor ng  Executive Building sa Pozorrubio, Pangasinan.

Sina Tiu, Jerry Areque, Jason Rojo at Genghis Imperial ay magpapakitang gilas kasama sina Precious Eve Ferrer , Atty. Reddy Ceralde Balarbar, Atty. Rodolfo “Rudy” Rivera Romy Fagon , Roadster at Regyne Palaming, Judylito Ulanday, Ormilito Ordizo at Fidel Labuanan sa kaganapang ito na itinataguyod nina Mayor Kelvin Tan, Vice Mayor Engineer Ernesto “Snooky” Salcedo III at SK Municipal Federation President/ SK Chairman Vince Karl Thirdy Sarmiento, alinsunod sa kanilang grassroots chess development program.

“We are pleased to invite you to participate in the Pozorrubio Town Fiesta Rapid Chess Tournament. This prestigious event will bring together chess enthusiasts from various regions to compete, showcase their skills, and celebrate the spirit of the game,” sabi ni Engr. Salcedo, na nagsagawa ng traditional ceremonial moves kasama si Asia’s First Grandmaster Eugene Torre para pangunahan ang pagbubukas ng Celebrity Challenge Chess For A Cause na ginanap sa Black Crust Pizza sa Santa Barbara, Pangasinan noong Disyembre 10, 2023.

Ang magkakampeon dito ay tatangap ng lion’s share na P10,000.

Ang second hanggang fifth placers ay tatanggap ng tig P5,000, P3,000, P2,000, at P1,000, ayon sa pagkakasunod.

Ang ikaanim hanggang ikasampu ay tatanggap ng tig-P500 habang ang ika-11 hanggang ika-20 ay maghahabol ng tig-P300.

Ang top five Pozorrubio ay magkakaroon ng special prize na P2,000, P1,000, P800, P700, at P500 habang ang 6th hanggang 10th placers ay kikita ng P300 bawat isa.

Ang top four kiddies ay kikita ng P3,000, P2,000, P1,000 at P500 habang ang 5th hanggang 10th placers ay mag-uuwi ng P300 bawat isa. Ang nangungunang Pozorrubio kiddies ay makakatanggap din ng P500.

Magdaraos din ng 20 board simultaneous chess exhibition matches ang Filipino at United States chess master Almario Marlon Quiroz Bernardino Jr. sa parehong venue.( Danny Simon)