Melencio, Diamante kuminang sa PAI-Speedo Swim Series 2 opening

Ang mga sumisikat na bituin na sina Ricielle Maleeka Melencio, Nicola Queen Diamante, at Aishel Evangelista ay patuloy na gumagawa ng pangalan sa lokal swimming meet matapos pangunahan ang mga podium finisher nitong Sabado sa pagsisimula ng Philippine Aquatics, Inc. ‘Go Full Speedo’ Swim Series 2 Championships sa Teofilo Yldefonso swimming pool sa Malate, manila.

Ang 20-anyos na si Melencio ng Ayala Harpoons Swim Club ay umangkin ng dalawang gintong medalya, nanguna sa girls 19-over 50-m butterfly at 200m freestyle na nagtala ng 31.58 segundo at 2:19.26, ayon sa pagkakasunod-sunod sa dalawang araw na torneo na sinusuportahan ng Philippine Sports Commission at Speedo.

Isang dating international age-group campaigner, si Melencio ang nangibabaw sa 50m fla laban mga karibal na sina Zoe Marie Hilario ng FTW Royals ay na-time na 31.89, habang si Iammejen Lopez ng D’Ace Seahawks ay nagtapos sa pangatlo sa 33.50.

Napanatili ni Melencio ang winning momentum sa pangunguna sa 200m free laban kina Lopez (2:22.04) at Renee Margaret Diaz ng Ilustre East Aquatic (2:27.06).

“Halos isang buwan akong nag-training para paghandaan ang seryeng ito. Sa kabutihang palad, nakakuha ako ng magandang simula. Try ko lang i-sustain ang momentum, sana,” ani Melencio.

Si Diamante, ang nangungunang manlalangoy ni RSS Dolphins coach Anthony Reyes at Grade 9 student sa Augustinian Abbey sa Las Pinas, ay nagpakitang gilas sa girls 14-year-old 50m fly na nagtala ng 31.70 segundo upang talunin si Rielle Aislyn Antonio ng PCA Stingray (32.13) at Caelyn Dane Salac ng Modern Aquatic Swim Club (34.02).

Sa kanyang bahagi, si Evangelista, ang Most Outstanding Swimmer (MOS) sa kanyang age class na may anim na gintong medalya sa Series 1 noong nakaraang buwan, ay nagsimula sa kanyang kampanya sa impresibong panalo sa boys 14-year-old 200m freestyle sa oras na 2:02.40. Dinaig ng UST varsity member at top swimmer ng Betta Caloocan Swimming Club sina Joaquin De Castro ng Ilustre East (2:11.94), at Kean Paragatos ng Rapid Dolphins (2:18.11).

Ang iba pang mga nanalo sa opening day ay sina Paul Vincent Ocampo sa boys 11-yrs 200m free (2:36.58), Von Andrei Pinon (12yrs, 2:15.83), Vynz Tadulan (13yrs, 2:12.27), John Jeremy Villaneuva (15yrs, 2 :08.34), Ethan Yuri Dulin (16yrs, 2:09.74), Patrick Vidal (17yrs, 2:06.22), Jim Ryan Mirandilla (18yrs, 2:15.06), Earl Jhay Jayme (19yrs, 2:03.39);

Makoto Nakamura sa girls 11-yrs.old 200m freestyle (2:28.75), Sophia Rose Garra (12yrs, 2:18.06); Rielle Antonio (13yrs, 2:22.66); Eliana Rodriguez (14yrs, 2:25.55), Kristine Uy (15yrs, 2:22.04), Alyssa Cabatian (16yrs, 2:22.04), Milkyla Guzman (17yrs, 2:26.25), Rio Balbuena (18yrs, 2:22.89);

Clinton Hu sa boys 6-under 200m free (5:04.40), Fritz Ian Jundam (7yrs, 3:49.77), James Fadriquela (8yrs, 3:27.54), Antonio Dela Cruz (9yrs, 3:25.27), Gideon Ancheta (10yrs, 2:36.89), Aamirah Medinilla (girls 6 under 200m free, 5:43.63), Elle Francia (7yrs, 4:19.65) at Ayesha Valera (8yrs, 4:06.86). (DANNY SIMON)