Mag-asawang senior citizen, anak arestado sa buy-bust operation

SWAK sa kulungan ang apat na hinihinalang drug personalities, kabilang ang mag-asawang senior citizen at kanilang anak matapos maaresto sa isinagawang buy bust operation ng pulisya sa Valenzuela City.

Kinilalani Valenzuela police chief P/Col. Salvador Destura Jr ang naarestong mga suspekbilang sina Virginia Abella alyas “Nanay”, 64, Arsenio Albesa, 64,Jervy Albesa alyas “Tampe”, 30, at Reynaldo Penano, 37, driver ng 103L. San Diego St., Brgy. Canumays West.

Sa ulat ni Col. Destura kay Northern Police District (NPD) Acting DistrictDirector P/Col. Ponce Rogelio Penones Jr, dakong alas-2:25 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLt Joel Madregalejo ng buy bust operation sa bahay ng mag-asawasa No. 004 Ruby Ville Subd., Brgy. Canumay West.

Kaagad inaresto ng mga operatiba ang mag-asawa matapos bintahan ng P300 halaga ng umano’y shabu ang isang pulis na nagsilbi bilang poseur buyer, kasama sinaJervy at Penano na kapwa nakuhanan ng hinihinalang shabu.

Ani PCpl Pamela Joy Catalla, nakumpiska sa mga suspek ang humigi’t kumulang P10 grams ng hinihinalang shabu na may standard drug price P68,000, buy bust money, P400 seized money, cellphone at hand bag.

Nahaharap ang mga suspek sa kasong paglabag sa RA 9165 o ang Comprehensive Dangerous DrugAct of 2002.