Pormal nang naghain ng certificate of candidacy sina Senator Manny Pacquiao para sa kanyang pagtakbo bilang pangulo at ang kanyang vice president na si BUHAY Party-list Representative Lito Atienza.
Makakalaban ng “Pa-Lito” tandem ang “Pi-Sot” (Senator Ping Lacson-Senate President Tito Sotto) at “Ko-Ong” (Manila Mayor Isko Moreno-Doc Willie Ong) teams sa darating na 2022 elections.
Kasama ni Pacquiao sa paghahain ng kanyang COC bandang alas-8:30 ng umaga ang kanyang maybahay na si Jinkee, pati rin si Sen. Aquilino “Koko” Pimentel.
Bago nagtungo sa Harbor Garden Tent sa loob ng Sofitel Philippine Plaza Manila compound, nagsagawa muna ng motorcade ang tinaguriang Pambansang Kamao sa ilang bahagi ng Lungsod ng Maynila.
Kung matatandaan, magkaiba ng pananaw sina Pacquiao at Atienza pagdating sa usapin sa death penalty.
Tutol si Atienza sa parusang kamatayan habang pabor naman si Pacquiao rito.
More Stories
KATHRYN BERNARDO AT KOREAN SUPERSTAR LEE SEUNG-GI PAGSASAMAHIN NI CHAVIT SINGSON SA ISANG MOVIE PROJECT
PANGASINAN KAMPEON SA PNVF U18 CHAMPIONSHIPS (Sa tulong ng kanilang coach na Math Teacher)
DANIEL SUPPORT NA LANG NINA RICHARD AT IAN SA TELESERYE