Nagdesisyon ang prosecution team sa impeachment trial ni Vice President Sara Duterte na iurong ang halos lahat ng articles of impeachment at itira na lamang ang iisang kaso upang mabilis na matapos ang paglilitis.
Sa isang open court manifestation ngayong Martes, Oktubre 13, inihayag ni lead prosecutor Gerville “Jinky” Luistro na ang kaso lamang ukol sa unexplained wealth ang kanilang itutuloy, habang tuluyan nang ibinaba ang mga probisyon ukol sa umano’y maling paggamit ng confidential funds, suhol, at pagbabanta laban kay Pangulong Ferdinand Marcos Jr.
“The prosecution believes it has presented sufficient evidence for Article 2 to stand on its own. We are all in here. We believe that evidence is substantial and compelling, and warrants the respondent’s removal from office for culpable violation of Constitution and betrayal of public trust,” ani Luistro.
“Had we proceeded on all four articles, the impeachment court will have had to consider the evidence offered for each together with the corresponding objections and arguments. By focusing on one article, the matters requiring the impeachment court’s consideration are correspondingly narrow, with practical benefits, for the Senate, for the respondent, and even the public,” dagdag pa niya.
Samantala, sumagot naman ang defense team ni Duterte at sinabing bagama’t karapatan ng prosecution na mag-urong ng mga kaso, wala silang kapangyarihang diktahan kung paano ipagpapatuloy ng kampo ng Bise Presidente ang kanilang depensa.
Binigyang-diin ni defense lawyer Sheila Sison na hindi maaaring makuha ng prosecution ang benepisyo ng kanilang mga akusasyon nang hindi dumadaan sa pagsubok o pagsusuri ang mga ito sa court.
Nagbabala rin si Sison ukol sa posibilidad ng mistrial kung ang pag-urong ng mga kaso ay pipilit sa defense team na paikliin ang kanilang paglalahad ng mga ebidensya.
“That prerogative to withdraw an accusation is not the power to suppress its rebuttal on the part of the respondent,” saad niya.
“The authority to streamline or to achieve speed in a trial is not the authority to diminish due process or to altogether disregard fundamental rules of fairness and the desire to reach a verdict,” aniya pa.
About the Author
