Nag-ugat ang usapin ng impeachment kay Vice President Sara Duterte sa paano ginamit ang pera ng bayan, ayon sa isang propesor ng Ateneo de Manila University.
Saad ni Assistant Professor Arjan Aguirre na hindi dapat sabihing puro politika lang ang kaso dahil nasa puso ng impeachment ang usapin ng transparency at accountability.
Dagdag pa nito, ginagamit lang daw ni Sara at ng mga kakampi niya ang isyu para pangganyak ng suporta, dahil diumano’y may hidwaan sa loob ng dating UniTeam coalition. Pero iginiit ni Aguirre na dapat maging matalino ang publiko at huwag palampasin ang tunay na usapin.
Samantala, nagkaroon na ng malaking bangayan sa Senado at Kamara, nang igiit ni Sen. Imee Marcos na palitan si House Speaker Martin Romualdez — na pinanindigan naman ng Kamara bilang tunay na lider nila.
Tuwid ang panawagan ng propesor — tigilan na ang paligsahan ng mga dinastiya at mag-focus sa tunay na serbisyo sa bayan.
Binanggit din niya na maraming pulitiko ang masyadong abala sa “press release wars” kaysa sa trabaho nila. At dahil sa 2028 elections, hudyat na daw ito ng maagang panggigiya sa mga botante.
Pinaalalahanan din niya si Pangulong Marcos Jr. na manindigan para sa transparency at accountability, kahit hindi siya direktang sangkot sa impeachment.
Ang impeachment case ay kasalukuyang inirerepaso ng Supreme Court matapos itong ideklarang unconstitutional, habang ang kampo ni VP Sara ay maghahain ng kanilang sagot sa darating na Biyernes.
About the Author
