URATEX TEAMS, NAMAYAGPAG SA WNBL 3X3 FIRST LEG

Namayagpag ang Uratex Tibay sa Pool A at Uratex Dream sa Pool B sa kanilang laro sa Day 1 ng WNBL 3X3 first leg. Ang naturang torneo ay idinaraos sa Bren Z. Guiao Convention Center sa San Fernando, Pampanga.

Dinomina ng Tibay team ang QWBT, 22-3 at JJD Basketball, 21-7. Kasama rin sa naging biktima nila ang Dreamers, 11-9. Dahil dito, abanse sila sa first semis sa level 3 ng FIBA 3X3 tournament.

Binabandera ang Tibay team nina Ford Grajales, Sam Harada, Kat Quimpo at Eunique Chan. Ang Dream squad naman ay kinabibilangan nina Alyssa Villamor, Tina Deacon, Shanda Anies at Kaye Pingol.

Tinalo nila ang Amazing sa iskor na 7-6. Gayundin ang Jiaguel sa iskor na 20-8 at naitala ang 2-0 sa Pool B.Ang semifinals at finals ng torneo at isaraos bukas.