Tahimik man ang PBA offseason, pero pumutok ang balita sa pag-extend ng kontrata nina Brandon Ganuelas-Rosser at Isaac Go!
Si Ganuelas-Rosser ng TNT, na bumalik ng malakas matapos ang injury, ay binigyan ng two-year extension! Sa finals ng Philippine Cup, nagpakitang-gilas siya na may average na 12.2 puntos at 3 blocks—kaya naman hindi na nagdalawang-isip ang Tropang TNT na panatilihin siya!
Si Isaac Go naman ng Barangay Ginebra, kahit halos buong season ay naka-sick bay dahil sa ACL injury, ay binigyan ng one-year contract extension! Tiwala ang Ginebra na makakabalik siya ng mas malakas para sa susunod na season, lalo pa’t umalis na si Jamie Malonzo patungong Japan!
Hindi lang sila ang may balita! Si Stanley Pringle ay bagong pasok sa Rain or Shine, habang ang Elasto Painters naman ay nagpaluwag sa roster nila—pinalitan nila sina Mark Borboran at Francis Escandor, na agad na sumabak sa Phoenix Fuel Masters!
Ang Blackwater ay pinatibay ang team sa pamamagitan ng pag-renew ng kontrata kina Richard Escoto at Troy Malilin, at pagkuha kay veteran guard Paul Zamar!
Abangan ang susunod na kabanata ng PBA, lalo na kapag pumasok na ang mga bagong amateur standouts sa draft—tiyak na maglalabanan ang mga koponan para sa panalo! (RON TOLENTINO)
About the Author
