MANILA – Tinanggal ni Defense Secretary Delfin Lorenzana sa puwesto si Armed Forces Deputy Chief of Staff for Intelligence Major General Alex Luna matapos lumabas ang maling listahan ng umano’y miyembro ng New People’s Army na napatay ng tropa ng pamahalaan.
Ayon sa isang press statement, sinabi ni Lorenzana na ang listahan ay nagmula sa tanggapan ni Luna, at hindi maaaring patawarin ang kapabayaang ito.
“His negligence only shows a lackadaisical attitude towards his job resulting in confusion and damage to reputation. We do not take these offenses lightly and I want to hold the people involved accountable,” wika ni Lorenzana.
Epektibo ngayong araw ang kautusan ni Lorenzana.
Inilabas kamakailan ng AFP Information Exchange ang listahan ng mga estudyante mula University of the Philippines na umano’y ni-recruit ng NPA at napatay sa mga engkuwentro laban sa militar.
Pero napatunayan ng ilang mga nasa listahan sa pamamagitan ng isang online reunion na buhay at malaya sila.
Humingi na ng paumanhin ang Civil-Military Operations Office ng AFP ukol sa nasabing listahan.
More Stories
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS
Hiwalay na nga ba? PAOLO CONTIS, NO COMMENT ANG SAGOT SA PAG-UNFOLLOW SA KANYA NI YEN SANTOS