Kilala ang mga aso bilang matapat at mapagmahal na alaga, ngunit may ilang breed na itinuturing na potensyal na mapanganib kung hindi maayos na nahahawakan, naisasailalim sa tamang training, at nasasanay sa maagang socialization.
Bagaman anumang aso ay maaaring maging agresibo depende sa sitwasyon, may mga lahi na mas mataas ang risk factor dahil sa kanilang lakas, instinct sa pagbabantay, at kasaysayan bilang mga fighting o hunting dogs.
Narito ang ilang breed na madalas isinasama sa listahan ng mga delikado at kadalasang may regulasyon o pagbabawal sa iba’t ibang bansa:
- American Pit Bull Terrier – Bawal sa England, Wales, Scotland, Australia, at Germany. Sa UK, kailangang may exemption certificate, kasama ang pagsusuot ng muzzle sa publiko at insurance.
- Tosa Inu – Dating fighting dog sa Japan; may legal restrictions sa UK, Trinidad and Tobago, at banned sa Australia, Austria, Denmark, France, Malaysia, Norway, Singapore, at Turkey.
- Dogo Argentino – Bawal o may limitasyon sa Australia, Austria, New Zealand, Norway, Turkey, at UK dahil sa prey drive at teritoryal na ugali.
- Fila Brasileiro (Brazilian Mastiff) – May matinding loyalty ngunit kilala sa aggression sa hindi kakilala; may ban sa ilang bansa.
- Boerboel – Malakas at protective na breed mula South Africa, may legal restrictions sa Denmark, Romania, Russia, Ukraine, Singapore at Qatar.
- Rottweiler – Protective at teritoryal; may report ng mas mataas na aggression sa mga hindi kakilala.
- German Shepherd – Working dog na agresibo kung pakiramdam ay nanganganib ang pamilya.
- Doberman Pinscher – Kilala sa pagbabantay at maaaring agresibo kung hindi maayos ang training.
- Akita – Kilala sa pagiging dominant at agresibo sa ibang aso; 13% din ng Akita ay naiuulat na may aggression sa tao ayon sa pag-aaral sa Poland.
- Rhodesian Ridgeback – Malakas at independent, dapat ay sa experienced dog owners lamang.
- Cane Corso – Malaki at dominante, kailangan ng firm at consistent na training.
- Bullmastiff – Natural na bantay kaya may posibilidad maging agresibo sa hindi kakilala.
- Bandog (Mastiff-Pitbull Mix) – Malakas at dapat sa mga bihasang dog handler lamang.
- Staffordshire Bull Terrier – Loving sa pamilya pero puwedeng maging agresibo sa ibang aso kung hindi masanay sa socialization.
- Bull Terrier at American Staffordshire Terrier – Maaaring magpakita ng aggression kung hindi maayos ang training.
- Neapolitan Mastiff – Malaki at protective; maaaring maging banta kung hindi maayos ang paghawak.
- Saint Bernard at Great Dane – Hindi agresibo sa kalikasan pero dahil sa laki, anumang paglabag sa disiplina ay maaaring magdulot ng panganib.
- Chow Chow – Territorial at aloof, puwedeng agresibo sa hindi kakilala.
- Basenji – Independent at may posibilidad ng aggression kung hindi maagang nasanay.
- Boxer at Bulldog – Energetic at stubborn; maaaring maging agresibo kung kulang sa training.
- Husky – May mataas na prey drive at puwedeng maging agresibo kung kulang sa exercise at training.
- Gull Dong – Bred bilang guard dog, kailangan ng experienced handler.
Hindi likas na masama o mapanganib ang mga lahi ng asong ito, ngunit nangangailangan sila ng mahusay na training, tamang socialization, at responsableng pag-aalaga. Ang maling paghawak, kapabayaan, o pang-aabuso ang madalas nagiging sanhi ng agresibong asal.
Nagpapaalala ang mga eksperto na ang responsableng pagmamay-ari at tamang pagpapalaki sa alagang aso ang susi upang maiwasan ang panganib—anuman ang lahi ng aso.
About the Author
