Matagumpay na kinilala ng National Bureau of Investigation (NBI) ang umano’y mastermind at ilang indibidwal na sangkot sa naganap na pananambang kay Shariff Aguak, Maguindanao del Sur Mayor Akmad Ampatuan.
Ang mahalagang pag-unlad na ito sa kaso ay bunsod ng isinagawang extrajudicial confession ng isa sa mga pinaghihinalaang lookout na kusang sumuko sa kawanihan nitong nakaraang katapusan ng linggo.
Ayon sa impormasyong nakuha ng NBI mula sa sumukong suspek, naging malinaw ang pagkakakilanlan ng mga taong nasa likod ng pagpaplano at pagsasagawa ng nasabing krimen.
Sa kasalukuyan, patuloy ang malalim na imbestigasyon at operasyon ng mga awtoridad upang tugisin ang mga nasabing indibidwal at masigurong mabibigyan ng kaukulang hustisya ang alkalde.
Inaasahan din ang pagsasampa ng mga kaukulang sakdal laban sa mga tinukoy na suspek sa mga susunod na araw base sa mga nakalap na ebidensya at testimonya.
About the Author
