Los Angeles Lakers, pinabundat ang Timberwolves, Bulls, tinaga ng Warriors

Naglista na naman ng impresibong panalo ang Los Angeles Lakers kontra sa Minnesota Timberwolves, 127-91.

Kaya naman, parang di ramdam ng defending champions ang absence ni Anthony Davis. Nagpapagaling kasi ito sa calf contusion.

Hindi rin naglaro ang big man ng Timberwolves na si Karl- Anthony Towns dahil sa dislocated left wrist.

Nanguna sa panalo ng Lakers si Kyle Kuzma. Nagtala si Kuzma ng 20 points, 3 boards, 3 assists at 3 blocks.Naglista naman si LeBron James ng 18 points, 9 boards at 5 assists.

Samantala, naitakas ng Golden State Warriors ang intense game laban sa Chicago Bulls, 129-128.

Bumida sa panalo ng Warriors si Stephen Curry na bumuslo ng 36 points. Kung saan, ang 25 points dito ay mula sa 5 three-pointers.

Kumana rin si Curry ng 6 assists, 2 steals at 2 blocks. Sa panig naman ng Bulls, gumawa si Zach LaVine ng 33 points.Nagtala rin ito ng 7 boards, 3 assists, 2 steals at 2 blocks.