F2 LOGISTICS, BINALI ANG PAKPAK NG ANGELS SA CHAMPIONS LEAGUE

Patuloy ang pananalasa ng F2 Logistics Cargo Movers sa PNVF Champions League sa Aquamarine Recreation Center sa Lipa City. Flawless pa rin ang record nila na 3-0 sa torneo. Kabilang sa bagong biktima ng F2 ay ang Petro Gazz Angels sa iskor na 25-16, 25-23 at 25-14.

Bumandera sa panalo ng Cargo Movers si Kalei Mau na gumawa ng 21 points. Nag-ambag naman si Aby Marano at Kim Kianna Dy ng tig 9 points.

Sa panig naman ng Petro Gazz, bumira naman ng pinagsamang 19 points sina Myla Pablo; Gretchel Soltones at Ces Molina. May record ang Angels na 2-1. Kabilang naman sa kanilang biktima ay ang Baguio at ang Chery Tiggo.