Pinalakas ni DPWH Secretary Manuel Bonoan ang posibleng ghost projects sa Bulacan matapos isiwalat sa Senate Blue Ribbon Committee ang umano’y pekeng flood control projects sa Calumpit, Malolos, at Hagonoy.
Ayon kay Bonoan, kabilang sa mga proyekto ang ipinagkaloob sa Wawao Builders at SYMS Construction, na nagkakahalaga ng kabuuang ₱5.97 bilyon sa 85 proyekto sa Bulacan. “Yes—that’s true, the information we received,” ani Bonoan.
Si Wawao Builders, na pag-aari ni Mark Allan Arevalo, ay kabilang sa top 15 contractors na nakakuha ng pinakamalaking bahagi ng flood control projects sa bansa, habang ang SYMS Construction, pag-aari ni Sally Nicolas Santos, ay nakumpleto umano ang 16 proyekto na nagkakahalaga ng ₱931.2 milyon sa nakaraang tatlong taon.
Pinangako ni Bonoan na panagutin ang lahat ng sangkot sa ghost projects. “Anybody who is involved in the implementation of that kind of project has to be answerable,” diin niya.
Hindi rin nakaligtas sa tanong ni Sen. Raffy Tulfo kung bakit sa 103 blacklisted contractors, isa lang ang na-flag sa bidding. Iginiit ng senador na marami sa DPWH employees ay contractors din, kaya nagkakaroon umano ng ghost projects.
Sa pagdinig, 7 sa 15 construction companies lang ang nagpakita. Kaya naman magpapadala na ng subpoena ang Senate committee kina:
- Mark Allan Arevalo, Wawao Builders
- Cezarah C. Discaya, Alpha and Omega Gen. Contractor & Development Corp.
- Ma. Roma Angeling D. Rimando, St. Timothy Construction Corp.
- Eumir Villanueva, Topnotch Catalyst Builders Inc.
- Aderma Angelie Alcazar, Sunwest, Inc.
- Edgar Acosta, Hi-Tone Construction & Development Corp.
- Romeo Miranda, Royal Crown Monarch Construction & Supplies Corp.
- Luisito Tiqui, L.R. Tiqui Builders, Inc.
Batay sa National Adaptation Plan (2023–2050), kabilang ang Bulacan sa most flood-prone provinces. Kaya’t mas pinipilit ng Senado at DPWH na linawin at panagutin ang mga may kinalaman sa ₱544 bilyong flood control projects.
About the Author
