KULONG ang isang babaeng service crew matapos ipadakip ng kanyang amo dahil sa nawawalang higit P30K halaga ng produkto sa Malabon City, kamakalawa ng gabi.
Nahaharap sa kasong Qualified Theft si Jocelyn Pliego, 39, service crew at residente ng Burgos St. Brgy. Concepcion.
Sa pahayag ni Joseph Michael Vincent Ramirez, 37, negosyante, kay police investigator PMSg Julius Mabasa, mula nang magbukas ang tindahan noong May 16, 2020 hanggang October 3, 2020 ang suspek lang ang gumagawa ng arawang inventory at ang ipinapasa at ideniklara sa may-ari ay kompleto.
Hanggang sa bandang alas-6:30 ng October 3 ng gabi, nagsagawa ng inventory ng kanilang produkto ang biktimaat ang suspek sa Potato Comer Stall sa loob ng Fisher Mall sa Brgy. Longos.
Dito, nadiskubre ng biktima na nawawala ang 22 packs ng french fries na nasa 2.5 kilo per pack na aabot sa P23,100 ang halaga at assorted cups para sa french fries na aabot sa P7,644 ang halaga kaya’t tinawag ni Ramirez ang security guard ng mall at ipinadakip si Pliego.
More Stories
PVL, DE BRITO MAGKATUWANG PARA SA FINAL LINEUP NG WOMEN’S NAT’L TEAM
PBBM NATAWA LANG SA PAGKAKADAWIT SA DRUG LIST NG PDEA
MMDA NAGSAGAWA NG CLEARING OPS SA MABUHAY LANES