CHICAGO BULLS AT DETROIT PISTONS, MAGLALARO SA PARIS SA ENERO 2023

Lalaruin ng Chicago Bulls at Detroir Pistons ang isang regular season game sa Paris sa Enero 2023. Ito ay inihayag mismo ng pamunuan ng NBA. Ayon pa sa liga, bubuslo ang 2 Eastern Conference team sa Jan. 19 sa Accor Arena sa Paris, France.

Ang larong iyon ay first NBA game sa Europa sapol noong 2020. Pang-12 naman itong idaraos sa France sapol nang gawin ito noong 1991. Pangatlong beses na rin ng Bulls (6-time NBA champion) na maglalaro sa Paris. Kabilang na ang two exhibition game contests noong 1997.

Unang beses naman ng 3-time NBA champion (Pistons) na maglalaro sa France capital.