ALL TIME- 3-POINTER LEADER NA SI STEPHEN CURRY

Nagtala ng history si Stephen Curry ng Golden State Warriors sa NBA. Kasabay ng pagtaga ng team sa New York Knicks, 105-96, nagtala ng record si Curry sa statistics ng liga. Nalampasan na nito si Ray Allen sa number 1 All-Time 3-Pointer Leader.

Nabasag ni Curry ang all-time-high ni Allen na 2,973 sa Madison Garden sa New York. Nagawa niya ito sa 7:35 mark sa first quarter at naitala ang 2,974. Nagalak naman ang crowd sa achievements na ito ni ‘The Chef’. Naghiwayan ang mga fans, mapa-Knicks man o Warriors sa Madison Garden.

Itinigil muna ang laro sa 7:28 mark upang bigyang pugay si Curry. Maging si Allen ay kasamang pumalakpak mula sa audience. Lumapit pa ito kay Steph at niyakap siya.

Nagtala rin siya ng 22 points, 3 rebounds at 3 assists. Nag-ambag naman si Jordan Poole ng 19 points at 9 rebounds. Habang si Andrew Wiggins naman ay pumukol ng 18 points. Sa panig naman ng Knicks, bumira si Julius Randle ng 31 points at 7 rebounds. Habang 15 points naman ang ginawa ni Derrick Rose.