“ALEXANDER THE GREAT’ AT VALENTINA, WAGI SA UFC 266

Wagi sina UFC featherweight champion Alexander “The Great” Volkanovski at women’s flyweight champion Valentina “The Bullet” Shevchenko sa UFC 266. Matagumpay nilang nadepensahan ang kanilang mga title belts sa T-Mobile Arena sa Las Vegas.

Ginapi ni Volkanovski si Brian ” The-City” Ortega via unanimous decision. Pumabor ang judges sa una sa iskor na 49-46, 50-45 at 50-44. Dahil sa panalo, naitala nito ang 20th straight win at 2 beses na successful title defense.

Dinaig naman ni Kyr-Peruvian na si Schevchenko, 33-anyos (22-3, 8KO’s, 7 subs ) si American Lauren ‘ Lucky’ Murphy. Nilikida ng una ang huli sa 4 minute mark sa 4th round via TKO.

Natamaan ng solidong suntok at siko ni Schevchenko si Murphy kaya di na ito nakaporma. Bunsod nito, matagumpay niyang nadepensahan ng 8 straight defense ang kanyang titulo.