Ang 220-MLD Kaysakat Water Treatment Plant ay malapit nang matapos bago matapos ang taon, isang mahalagang hakbang ng Manila Water para mas mapatibay ang supply ng tubig ngayong El Niño at sa mga darating pang panahon.
Naghahanda na ang Manila Water laban sa epekto ng El Niño sa pamamagitan ng pag-maximize sa kanilang anim na active water treatment plants. Ang mga pasilidad na ito ay may kabuuang capacity na 1,980 million liters per day (MLD).
Bukod pa rito, binibilisan na rin ang pagpapatayo ng dalawa pang major water treatment facilities para masiguro ang 24/7 na supply ng tubig para sa mga customer sa Metro Manila at Rizal.
Sa ilalim ng Angat-Ipo-La Mesa system, kasalukuyang nag-o-operate ang Balara Filter 1 (470 MLD), Balara Filter 2 (1,130 MLD), at East La Mesa Water Treatment Plant (150 MLD), na may pinagsamang capacity na 1,750 MLD.
Kumuha naman ng tubig mula sa Laguna Lake ang 100-MLD Cardona at 50-MLD East Bay Phase 1 treatment plants (kabuuang 150 MLD). Samantala, kabilang naman sa Wawa-Calawis (Antipolo) system ang 80-MLD Calawis Water Treatment Plant.
“Our active water treatment plants allow us to manage available supply more effectively and maintain reliable service for our customers. We are preparing early and investing in facilities that will strengthen water security during El Niño and beyond,” pahayag ni Manila Water Communication Affairs Department Head Dittie Galang.
Malapit na ring matapos ang dalawa pang pasilidad: ang 220-MLD Kaysakat Water Treatment Plant sa ilalim ng Wawa-Calawis system, at ang 200-MLD East Bay Phase 2 facility mula sa Laguna Lake.
Kapag naging operational na ang dalawang bagong plant na ito, magdaragdag sila ng 420 MLD supply. Dahil dito, aabot na sa walong water treatment plants ang hawak ng Manila Water na may kabuuang capacity na 2,400 MLD.
Kasabay ng mga investment na ito, tuloy-tuloy din ang maintenance ng Manila Water sa kanilang mga pasilidad, ang pag-optimize ng operations, pag-manage ng system losses, at ang pagbabantay sa supply ng tubig para sa short-term at long-term reliability.
Habang pinapatibay ng Manila Water ang kanilang water supply system, nanawagan din sila sa publiko na maging responsable sa paggamit ng tubig.
Sa pamamagitan ng kanilang #WaterWais advocacy, hinihikayat ang mga customer na magtipid at agad i-report ang mga leakage o tagas.
Ang mabilis na pag-report ng leaks ay malaking tulong upang mapanatili ang non-revenue water (o mga nasayang na tubig) sa ibaba ng 15%, isang lebel na maihahambing sa mga mauunlad na bansa.
Kapag mababa ang water loss, mas maraming malinis na tubig ang nakakarating sa mga kabahayan, lalo na sa panahon ng mahabang tagtuyot.
About the Author
