TINATAYANG aabot sa 25 pamilya ang nawalan ng tirahan matapos ang naganap na sunog sa Caloocan City.
Sa ulat ng Caloocan Bureau of Fire Protection (BFP), dakong alas-12:47 ng hating gabi nang biglang sumiklab ang sunog sa 2 story residential sa L. Lupa St., Brgy. 32, Maypajo.
Mabilis na kumalat ang apoy kaya kaagad iniakyat ang sunog sa unang alarma dakong alas-12:52 ng hating gabi bago idineklarang under control ala-1:22 ng madaling araw.
Wala naman napaulat nasawi o nasaktan sa sunog na tuluyang naapula dakong ala-1:36 ng madaling araw habang tinatayang aabot sa P100K halaga ng ari-arian ang napinsala.
Inaalam pa ang pinangmulan ng sunog habang ayon sa tala Caloocan City Social Welfare Development Department (CCSWDD) umabot sa 25 pamilya ang apektado. (JUVY LUCERO)
About the Author
