Mayor Francis Zamora pinangunahan ang turnover ng citywide radio communication system sa San Juan -

Pinangunahan ni San Juan City Mayor Francis Zamora ang opisyal na pag-turnover ng bagong citywide radio communication system sa mga pangunahing tanggapan at frontline units ng lungsod nitong umaga sa San Juan City Hall na isang malaking hakbang para palakasin ang peace and order at emergency response capability ng lungsod.

Ayon sa lokal na pamahalaan, layon ng bagong radio communication system na tiyakin ang mas mabilis, mas malinaw, at mas maaasahang koordinasyon ng City Government Response Cluster, lalo na sa mga sitwasyong may kinalaman sa kalamidad, sunog, krisis sa kalusugan, at iba pang emergency.

“This system allows our responders to coordinate immediately, especially during emergencies,” pahayag ni Mayor Zamora.

“For example, in the event of a fire, our teams can communicate directly through radio instead of relying solely on mobile phones. This means faster response, better coordination, and ultimately, safer outcomes for our residents,” dagdag pa niya.

Binigyang-diin din ng alkalde na bahagi ito ng patuloy na pagsisikap ng lungsod na mapanatili ang katahimikan at kaayusan.

“San Juan City is the city with the lowest crime volume in Metro Manila and the only drug-cleared city in the National Capital Region. Sustaining these gains requires continuous investment in systems that support our responders. A strong and reliable communication network is essential to maintaining peace, order, and public safety,” dagdag pa niya.

Upang palakasin ang citywide emergency operations, ipinamahagi ang sumusunod:

Base Radio System

14 na base radio units na inilagay sa Central Emergency and Disaster Operations Center (CEDOC) at iba pang command centers para sa dispatch at secure communication.

Portable Radio System

123 handheld radios na kinabibilangan ng:
75 units para sa field personnel
48 units para sa team leaders at supervisors

Radio Repeater System

3 radio repeaters na inilagay sa strategic locations upang masigurong malinaw ang signal kahit sa mga liblib na lugar ng lungsod.

Ang mga kagamitan ay ipinamahagi sa mga sumusunod na tanggapan:

Office of the City Mayor
PNP–San Juan City
BFP–San Juan City
CEDOC
CDRRMD
San Juan Medical Center
CENRO
GSD
City Engineering Department
Traffic and Parking Management Office
POSO–Task Force Disiplina
CSWDD
City Health Department
Barangay Operations Center at 21 barangay ng San Juan City

Sa parehong seremonya, pormal namang iniabot ni DILG City Director Adrian Lopez ang pitong rescue boats kay Mayor Zamora bilang insentibo sa pagkilala sa San Juan City bilang Seal of Good Local Governance (SGLG) Awardee para sa 2024.

Ang bawat rescue boat ay may bigat na humigit-kumulang 150 kilo, may carrying capacity na hanggang 1,000 kilo, may kasamang dalawang sagwan, 21,000-lumen rescue flashlight, at boat trailer para sa mabilis na deployment sa oras ng sakuna

Ayon sa City Government, ang sabayang turnover ng radio communication system at rescue boats ay patunay ng matatag na commitment ng San Juan City sa public safety, disaster preparedness, at mabuting pamamahala lalo na sa harap ng tumitinding hamon ng mga emergency at kalamidad. (Arnold Pajaron Jr)