QUEZON CITY — Maaga pa lang nitong Miyerkules, Hunyo 30, 2025, pumila na ang mga senior citizens at persons with disabilities (PWDs) sa Kadiwa Center ng Department of Agriculture (DA) sa lungsod para makabili ng tig-P20 kada kilo ng bigas.
Ito’y kasunod ng anunsyo ng DA na palalawakin pa ang “Benteng Bigas” program ng administrasyong Marcos upang maisama na rin ang middle class families pagsapit ng 2026.
Sa kanyang ika-apat na State of the Nation Address (SONA), inatasan ni Pangulong Ferdinand Marcos Jr. ang DA na palawakin ang saklaw ng programa para mapakinabangan ng hanggang 15 milyong kabahayan—katumbas ng halos 60 milyong Pilipino sa buong bansa—sa susunod na taon.
Sa kasalukuyan, ang P20 rice ay ibinibenta sa mga Kadiwa ng Pangulo outlets at ilang ahensiya ng pamahalaan at LGUs. Ang mga bigas ay kinukuha ng Food Terminal Inc. mula sa National Food Authority (NFA), na bumibili lamang ng palay mula sa mga lokal na magsasaka bilang bahagi ng batas na nagtutulak sa food security at presyo-stabilidad.
Ayon sa DA, layunin ng programa na hindi lang tulungan ang mga konsyumer kundi iangat rin ang kita ng mga lokal na magsasaka sa pamamagitan ng garantisadong pagbili ng kanilang palay sa patas na presyo.
About the Author
