NABITAG ng mga tauhan ng Northern Police District (NPD) ang isang most wanted person na miyembro ng “Limos Carnapping Group” sa isinagawang manhunt operation sa Caloocan City.
Kinilala ni NPD Acting Director P/Col. Ponce Rogelio Peñones ang naarestong akusado bilang si Rommel Deracin, 29 ng No. 20 Abessa St., Brgy. Pinagbuhatan, Pasig City.
Sa ulat, nakatanggap ang mga operatiba ng District Special Operation Unit (DSOU-NPD) ng intelligence information mula sa RIU, NCR na naispatan ang presensya ng akusado sa kahabaan ng Phase 7, Package 1, Brgy. 176, Caloocan City.
Kaagad nagsagawa ang mga operatiba ng DSOU at HPG-NPD ng joint manhunt operation na nagresulta sa pagkakaaresto kay Deracan at nakumpiska sa kanya ang isang Magnum 22 caliber na kargado ng tatlong bala.
Si Deracin ay dinakip sa bisa ng warrant of arrest na inisyu noong October 27, 2015 ni Judge Gay Marie F. Lubigan-Rafael ng Regional Trial Court (RTC) Branch 46 ng San Jose, Occidental Mindoro para sa kasong Robbery with Violence Against Person at Carnapping.
More Stories
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS
Hiwalay na nga ba? PAOLO CONTIS, NO COMMENT ANG SAGOT SA PAG-UNFOLLOW SA KANYA NI YEN SANTOS