800K NA ANG COVID-19 CASES SA ‘PINAS (Posibleng umabot sa 1M bago matapos ang Abril)

Umabot na sa 800,000 ang kaso ng COVID-19 sa Pilipinas matapos makapagtala ang Department of Health (DOH) ng 8,355 panibagong impeksyon ngayong Lunes.

Ayon sa DOH, 803,398 ang kabuang kaso sa bansa, kung saan 143,726 o 17.9% dito ay aktibo.

97.5 porsyento sa active COVID-19 cases ang mild; 1.1 porsyento ang asymptomatic; 0.34 porsyento ang moderate; 0.6 porsyento ang severe habang 0.5 porsyento ang nasa kritikal na kondisyon.

Nasa 10 naman ang napaulat na nasawi.

Dahil dito, umakyat na sa 13,435 o 1.67 porsyento ang COVID-19 related deaths sa bansa.

Ayon pa sa DOH, 145 naman ang gumaling pa sa COVID-19.

Dahil dito, umakyat na sa 646,237 o 80.4 porsyento ang total recoveries ng COVID-19 sa Pilipinas.

Samantala, sinabi ng independent OCTA research na maaring umabot sa higit 1 milyon ang kabuuang bilang ng COVID-19 cases sa bansa bago matapos ang Abril.

“Before the end of April, the Philippines is expected to have recorded more than 1,000,000 total COVID-19 cases,” ayon sa report ng grupo.