Kontrobersiyal na “white sand” sa Manila Bay, gustong paimbestigahan

Nais ni Senador Francis Pangilinan na siyasatin ang kontrobersyal na proyekto ng “white sand” sa Manila Bay na itinuturing na pag-aaksaya ng pera at hindi kinakailangan.

Sa ilalim ng Resolution ng Senado Blg. 565, binigyang diin ni Pangilinan na ang proyekto na nagkakahalaga ng P389 milyon ay magagamit pa rin para sa iba pang mga serbisyo tulad ng COVID-19 pandemic.

Ayon kay Pangilinan, ang pondo na ginamit para sa proyekto, na maaaring magamit bilang tulong pinansyal para sa mga Pilipinong nawalan ng trabaho sa pandemya, ay inanod lamang ng dagat.