PANSAMANTALANG nagsara o itinigil ang operasyon ang mahigit 3,000 mga negosyo sa Pilipinas bunsod ng nararanasang krisis sa coronavirus disease 2019 (COVID-19).
Ayon kay Labor Secretary Silvestre Bello III, ipinagbigay alam na sa kanila ng mga nabanggit na kumpanya ang pansamantalang pagsasara ng mga ito.
Nakolekta niya ang bilang mula noong Enero hanggang sa kasalukuyang buwan.
Sinabi pa ni Bello, wala pa aniyang mga kumpanya ang naghain ng bankruptcy bagama’t mahigit 200 na ng nagbigay ng abiso hinggil sa tuluyang pagtigil ng kanilang operasyon.
Iginiit naman ng kalihim na nasa 2.7-milyong mga manggagawang Pilipino na ang naapektuhan ang kanilang mga pangkabuhayan dahil sa COVID-19.
Paliwanag ni Bello, iba ang kanilang datos mula sa ipinalabas na report ng Philippine Statistics Authority (PSA) na 7.3-milyong mga mangagawa ang nawala ng trabaho nitong Abril dahil sa COVID-19.
Aniya, aktuwal na numero ang kanilang datos habang nagmula naman sa survey ang sa PSA.
More Stories
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS
Hiwalay na nga ba? PAOLO CONTIS, NO COMMENT ANG SAGOT SA PAG-UNFOLLOW SA KANYA NI YEN SANTOS