Sugatan ang tatlong katao matapos pagbabarilin sa Rodriguez, Rizal.
Ayon sa report ng Rodriguez Police, kinilala ang mga biktima na sina Laurence Villamor, Angelo Rovelo at Abu Rumasasa.
Nabatid na naglalakad ang mga biktima dakong alas-2:30 ng madaling araw nitong Abril 19, nang paputukan ang mga ito ng mga suspek na nakilala lamang sa mga alyas na Golem at Bato.
Agad tumakas ang mga suspek sa direksyon papunta sa Barangay San Isidro sa nasabing bayan.
Samantala, agad isinugod sa East Avenue Medical Center sa Quezon City na kasalukuyang ginagamot matapos magtamo ng tama ng baril sa iba’t ibang bahagi ng katawan.
Inaalam narin ang motibo ng pamamaril at nagsagawa na ng dragnet operation o (OPLAN Cobweb) ang Rodriguez PNP para sa mabilis na ikakadakip ng mga nakatakas na suspek. (Ulat ni JOJIT ALCANTARA)
More Stories
KATHRYN BERNARDO AT KOREAN SUPERSTAR LEE SEUNG-GI PAGSASAMAHIN NI CHAVIT SINGSON SA ISANG MOVIE PROJECT
PANGASINAN KAMPEON SA PNVF U18 CHAMPIONSHIPS (Sa tulong ng kanilang coach na Math Teacher)
DANIEL SUPPORT NA LANG NINA RICHARD AT IAN SA TELESERYE