Balik-acting na si Will Ashley matapos ang kanyang matagumpay na paglalakbay sa Pinoy Big Brother: Celebrity Collab Edition, kung saan umabot siya sa Final 4 kasama ang kanyang duo partner na si Ralph de Leon.
Sa isang post sa X (dating Twitter), ibinahagi ni Will ang kanyang pagbabalik sa taping para sa kanyang unang acting project post-PBB — ang sequel ng hit campus courtroom drama na Bar Boys 2.
“After 4 months, so happy to be back on set for Bar Boys 2! Sharing a scene with one of my favorite actresses @ThereseMalvar for my first scene,” ani Will.
Ito rin ang unang beses na makakatrabaho niya ang critically acclaimed actress na si Therese Malvar, na kabilang din sa cast ng nasabing pelikula.
Ang Bar Boys 2 ay ang kasunod na kabanata ng 2017 film na tumalakay sa buhay, pangarap, at pagsubok ng mga mag-aaral sa law school. Inaasahang mas magiging masalimuot, mas mature, at mas makabago ang sequel, lalo’t may mga bagong mukha na gaya ni Will Ashley.
Mula reality TV patungong pelikula, patunay ang bagong proyektong ito na patuloy ang pag-usbong ng karera ni Will sa mundo ng showbiz. Abangan ang Bar Boys 2 sa mga sinehan ngayong taon.
About the Author
