INANUNSYO ng Pamahalaang Lungsod ng Navotas na muling ipapatupad nito ang truck ban simula sa November 14, 2022.
Ang mga sasakyang may walo o higit pang gulong tulad ng mga cargo at freight truck, o yung may kabuuang timbang na 4,500 kilo kabilang ang mga tractor trailer at container haulers, ay ipinagbabawal na dumaan sa M. Naval St. mula Agora hanggang Bagumbayan-Bangkulasi Bridge, at mula sa C-4 Daan patungong Brgy. Tangos North; Pascual St.; C4 Road; at H. Lopez Boulevard.
Ang truck ban ay ipapatupad Lunes hanggang Sabado maliban sa holidays, mula 6 a.m. hanggang 10 a.m. at 4 p.m. hanggang 8 p.m. Sa mga panahong hindi sakop ng paghihigpit, ang mga trak ay pinapayagang gumamit lamang ng mga itinalagang trak na daanan.
“People are back to commuting to and from work now that businesses and various industries are fully operational. Through the reimplementation of the truck ban, we hope to ease traffic congestion and make the commute less burdensome,” ani Mayor John Rey Tiangco.
Ipapatupad din ang total truck ban sa kahabaan ng Lapu-lapu Avenue at San Rafael Village, na may exemption sa mga sasakyang pagmamay-ari ng mga negosyo sa loob ng mga nabanggit na lugar.
Samantala, ang C3 Road to Caloocan-Navotas boundary gayundin ang C-3 at R-10 Roads to Manila boundary ay itinalaga bilang mga special truck lane at bukas sa lahat ng dumadaan na sasakyan basta’t manatili sila sa kanilang itinalagang lane.
Ang mga trak na may mga nabubulok na kalakal ay maaaring mag-aplay para sa Espesyal Pass mula sa City Traffic and Parking Management Office upang magamit ang non-truck lanes at maiwasan ang mga pagkaantala sa mga paghahatid.
Ang sinumang lalabag sa ban ay papatawan ng P5,000 na multa at iba pang parusa na itinakda sa Navotas City Traffic Management Code.
More Stories
Gatchalian: Mga out-of-school children at youth ibalik sa mga paaralan
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS