SIMONS, UMINIT SA PAGPISA NG PORTLAND SA LAKERS, HORNETS, SINUWAG NG BULLS

Uminit ang opensa ni Anfernee Simons para sa Portland TrailBlazers. Bagamat kulang sa player, nagawa ng team na pisain ang Los Angeles Lakers, 107-105.

Gumawa si Simons ng 29 points at 5 assists. Nag-ambag naman si JUsuf Nurkic ng 19 points at 12 rebounds. Bumira naman sa Lakers si LeBron James ng 30 points, 7 boards at 7 assists. Habang si Anthony Davis naman ay gumawa ng 17 points at 7 rebounds.

Hindi naman nakalaro si Russell Westbrook sa Moda Center dahil sa DNP.

Isang big game na naman ang ipinamalas ni DeMar DeRozan. Sinuwag ng Chicago Bulls ang Charlotte Hornets, 121-109. Pumoste si DeRozan ng 36 points, 5 boards at 4 assists.

Nag-ambag naman si Zach Lavine ng 27 points at 7 rebounds. habang 18 points naman ang ibinuslo ni Nikola Vucevic.