REGION IV-A MMA OVERALL CHAMPION NG 1ST SUDOKWAN NATIONAL CHAMPIONSHIP 2023 SA MAKATI

DINOMINA ng mga martial artists mula Katagalugan at Kabisayaan upang maturingan silang  bagong  combat  sudokwan power sa bansa sa pag-ani ng mga medalya  sa   men and  women’s division ng humataw na 1st Sudokwan National Championship nitong nakarasng weekend at the Bethany Baptist Church sports venue sa Dian St., Bgy.Palanan, Makati City.

Nagpakitang-gilas ang Region IV-A combat fighters upang maging  most bemedalled team( 4 golds- 3 silver -8 bronze)at pagharian ang  kaganapang inorganisa ni dating   Asian Games wushu gold medalist Rene Catalan- may ari ng Catalan Fighting System Philippines, may basbas ng  World Sudokwan Sports Association sa pakikipagtambalan ng Bethany Baptist Church Makati , The Fraternal Order of Philippine Eagles at 2E Travels.

Pinanguhahan naman   ni  Rafael Apiliyado ang  Region VI (3-4-1)para sa segunda sa pag- ani ng medalya matapos na daigin si  Stephen Magbanua via unanimous decision para sa ginto sa 55 kilograms.

Ang iba pang gold medal winners ay sina  Edelmark Catalan mula Iloilo matapos mangibabaw kontra Jomar Billorid sa scorecards ng kids division 22kgs.

Nasungkit naman ni   Johnrey Alejandro ng  Bacolod ang ginto (55 kgs)sa referee stop contest( RSC) dahil sa tinamong  injury laban kay  Erwin Abejuela ng  Marikina City.

Binubuo ng  individual  champions ng bakbakang  suportado ng   TNT, Red Bull  kaagapay ang  Life Vantage,Egg Chief,MMSquare Myotheraphy Clinic and Rehab,AMS Associated Medical Services,Reftec Industrial Supply,Big Red Concept, Team Anderson Li,Catalan Grill and Restaurant, Filipinas Sambo Federation,

Taguig City  Hall of Justice,Hayat 1 Dental at Batang Atleta,nina  Jhunly Initan sa  46 kgs,Thirdy Malaga sa 32kgs, Cĺark Bautista ( 45 kgs),Robbie Bacoza( 42kgs),Martito Sison(64 kgs) ,John Marvin Callueng(67kgs) ,Adaja Jeromas(69 kgs),Renie Casino ( 70 kgs),Paul Lario(73kgs), John de Cruz(79 kgs) at  Ronel Arthur Davis sa 82 kgs.

Sa women’s division naman ay nagreyna si  Felona Layona sa 36 kgs habang si  Cindy Longcob ang namayani sa 42 kgs.Binuno naman ni Aliah delos Reyes ang  52  kgs  habang Angel Ventura ay angat sa 60 kgs.

Ang bumisitang si Vietnamese Sudokwan enthusiast at espesyal na panauhing si  Nguyen Quoc Tuy ang nag-gawad ng  eleganeng tropeo, medalya at certificates sa mga nagsipagwagi sa prestihiyosong  Sudokwan Philippine national event.

“It’s awesome ,it’s great. It is an  honor to be part of this momentous event in martial arts here. I’m looking forward to see them( sudokwan artists) showing their talent in Vietnam,” wika ni Sudokwan combat sport Vietnam/ Philippines Ambassador Tuy.

Pinasalamatan naman ni Catalan ang mga umagapay para sa tagumpay ng torneo una ay ang dasal,sa mga  atleta( Visayas, Laguna, Mimaropa,Pasay City at Marikina mula NCR at martial artist mula  Norte),coaches, followers at sponsors na nag- contribute para sa ‘huge success’ ng buwenamanong pag-larga ng   national sudokwan championship sa Makati City ( NCR).