Kalunos-lunos ang sinapit ni PSSg Joerel Pajac na nakatalaga sa Northern Samar Provincial Intelligence Unit (NSPIU) at residente ng Bgy. Calingnan, Catubig sa probinsya ng Northern Samar na paulit-ulit na binaril ng apat na hindi pa nakikilalang mga lalaki habang siya ay bumababa sa isang bangkang de-motor sa Sitio Ugkad ng naturang bayan at patuloy na pinagbabaril kahit na siya ay tumalon sa tubig upang makatakas.
Nangyari ang insidente dakong 11:20 ng umaga nito lamang ika-10 ng Enero, 2022.
Tumakas ang mga suspek patungo sa direksyon ng Bgy. San Francisco sa bayan ng Catubig.
Sa ngayon ay tinutugis na ng mga tauhan ng Catubig Municipal Police Station sa pangunguna ni PCPT Noel B Unay, Officer-in-Charge ang mga suspek.
Mariing kinokondena ng hanay ng Pambansang Pulisya ang pataksil na pag-atake at walang awang pagpatay kay PSSg Pajac na tanging mga halang ang kaluluwa lamang ang makagagawa. (BONIFACIO DESPE)
More Stories
DANIEL PADILLA, POKUS MUNA SA TRABAHO AT NEGOSYO
Buwisit na mga netizens sa galit-bati drama… SHARON AT KC, NOON PA NOT IN GOOD TERMS
Hiwalay na nga ba? PAOLO CONTIS, NO COMMENT ANG SAGOT SA PAG-UNFOLLOW SA KANYA NI YEN SANTOS