Sa gitna ng patuloy na problema sa baha sa bansa, ipinahayag nina showbiz personalities Nadine Lustre at Anne Curtis ang kanilang pagkabahala sa umano’y katiwalian sa mga flood control project.
Ayon kay Nadine Lustre, FAMAS Best Supporting Actress, nakakainis ang sitwasyon kung saan milyong-milyong piso mula sa kaban ng bayan ang nasasayang, habang ang ordinaryong mamamayan ay patuloy na nahihirapan sa baha.
“Nakakainis talaga,” aniya sa isang panayam, habang inilalarawan ang hirap ng mga Pilipinong nakakaranas ng waist-deep flood.
Si Anne Curtis naman ay nagbigay ng suporta sa pamamagitan ng social media, nag-retweet sa pahayag ni Jessica Soho na: “Hindi na baha ang magpapalubog sa bayan kundi kasakiman,” at idinagdag ang sarili niyang saloobin na “Sakit.”
Ayon sa dalawa, malinaw ang pangangailangan ng mas maayos at tapat na pamamalakad sa mga proyektong pang-imprastruktura upang maprotektahan ang mamamayan mula sa baha at mapigilan ang pag-aaksaya ng pondo.
About the Author
